Mungesa e energjisë në Hajvali revolton banorët: KEDS-i nuk falë për mospagesë, ndërsa nuk ofron furnizim të rregullt

20:03 | 9 Dhjetor 2021
Përparim Bublaku

Disa pjesë të fshatit Hajvali në Prishtinë, sot gjatë tërë ditës janë përballur me mungesë të energjisë elektrike.

Energjia atyre nuk ju ka ardhur as në orët e mbrëmjes, në kohën kur temperaturat kanë rënë.

Banorë të revoltuar kanë shkruar në redaksinë e arbresh.info se me mungesë të energjisë elektrike po përballen pothuajse ç’do ditë.

Përveç tjerash ata thonë se me pagesa janë të rregullt dhe se KEDS-i nuk falë qoftë edhe për një ditë vonese të pagesës, ndërsa tash në kohë dimri nuk është në gjendje të furnizojë rregullisht me energji.

Nga ana tjetër KEDS-i kishte njoftuar për pune në këtë pjesë, por që reduktimet do të zgjasnin maksimumi deri në orën 17:00. Të njëjtit nuk kanë dhënë ndonjë sqarim se pse në disa pjesë të Hajvalisë nuk ka energji elektrike as pas orës 17:00./arbresh.info/